شجاع بن سويلم

مجنون فيك و كن مافيني عقل و كأن عقلي ياحبيبي بايعه عند غيرك عايشن دور الثقل و عندك انتي كل اموري ضايعه

دام الورق يشكي من الحبر الاقلام خليت شعري ينكتب وسط صدري صاير كذا وضعي له شهور و اعوام قلبي كتابي واحمر الدم حبري اسهر على حلمي و انا خالي احلام وشلون مدري كيف والله مدري ازعل على نفسي على كثر الاوهام وارسل علي عذري ولاارضى بعذري عشان شعري ودي اسهر ولاانام وعشان جسمي ودي انام بدري

وينك ياأبو وجهين من غبت عنّا جونا ثلاث وجيه يالعن ابيهم الوجه الأول حاقد و مايتونّا و احقاده من سوق الردى مشتريهم والثاني اليا شاف طيبك يونّا ساكت ولاينطق و قلبه اديهم والثالث اللي ماأختلف فيه ظنّا عدواننا من كان دايم يجيهم وقت اللقاء يصير ماهو بمنّا ووقت الرخاء يصير معنا عليه اطباعهم عفنه و لكن حنّا بأفعالنا بين العرب نكتويهم ميزاننا عند العرب حول طنّا و ميزانهم حفنة حصى في يديهم انشيم عن فعل الرديين لنّا أطلق من أطلق واحدن من حديهم شجاع بن سويلم

الله يجازي راعي الطيب بالطيب ما ينتظر من يفعل الطيب حاجه من يذكر المعروف ذيبن ولد ذيب و من يجحد المعروف هاذا دجاجه

بعض العرب يزعل لحاله ويرضى حقود ويحسبنا على الحقد مثله مريض ويحسب كل هالناس مرضى سفله وابن سته وستين سفله

خير الكلام ان قل واخير اذا دل بعض الكلام ان زاد ينقصك قدرك لازاد حكيك قيل خذ منه و خل بعض الكلام افعال من دون تدرك لسانك حصانك و لكن ليا زل قدرك ينَزّل لين تلقاه حدرك

امسكيني لاتخليني تراني معك ضايع كلي وضايع بدونك والله ان ربي بنظرتك ابتلاني مدري زينك جابني ولا جنونك جيت يمك ممتلي شعر و اغاني جيت ابسرق للقصايد من لحونك جيت عاني كلني لك جيت عاني ويش جسمك ويش وجهك ويش لونك لو ابحكي عن عيونك !شي ثاني.. و الله ان اغلب جمالك في عيونك و ارفقي بي لاتخليني تراني معك ضايع كلي و ضايع بدونك شجاع بن سويلم

و ان ماتجمّعنا على هذي الأرض يمكن على سطح القمر بنتواجه ابي اروح البنك واخذ منه قرض ونحجز على مكّوك صنع الخواجه ويقلع بنا بالطول ثم يعترض عرض وزحل يخليها على ايمن حجاجه واليا رجعنا الارض ازعل علي و أرض إني اشوفك هذي أهم حاجه شجاع بن سويلم

منّه يغار الورد لأنه من الورد واجمل من الورد الطبيعي وأحلى يسوي جماعة في عيوني وهو فرد وماضنّتي عنّه أبنسى و ابسلى دامه ملاذي عن دفى الشوق و البرد يسوى عيوني ! لا بعد يمكن اغلى شجاع بن سويلم

الطيّب أحياناً ماودّك تخاويه يتعبك في رد الجميل و يعيده مايمدي ترد الجميلة تلاقيه متجملن بك في جماله جديده

اللي يبي واحد يناسب مزاجه أخلاق و مرتّب تكانه على ذوق ماهيب محتاجه و لاأي حاجة بس يضغط الشاشه و يرفع على فوق

قالت ترى مانفترق غير بالموت و صدت عن عيوني وراحت وقفّت الصوت ماينفع اذا فاتنا الفوت شفنا افترقنا و باقيه ماتوفّت