شجاع بن سويلم

منهو يسلفني من اخلاقه شوي هالفتره اخلاقي ترى لك عليها صاير اشوف ان المربع ثلاثي و أشياء ابيها صرت ماعاد أبيها مدري ضميري حي أو ماهو بحي شكله من صدوف الزمن راح فيها ومنهو يبيع من المشاعر و نشري و لو المشاعر تنعرض باشتريها او من يسلفني من أخلاقه شوي أخلاقي هالفتره ترى لك عليها

اخر محطات الحزن اول بدايات الحياة جيتي مثل طاري مزن لو روحتك طوق النجا قبلك و عقلي متّزن وبعدك مضيّع لتّجاه من اولن عندك وزن والحين ماتسوى نواه

ياكثير الحظ حظك يوم أحبك ماخذن قلبي بيدّيك و تكبّه ؟ قدّر النعمه ياشين و خاف ربّك احد محصل مثل قلبي يحبه؟  

تدرين شاأحلى أسم بحروف الهجاء؟ ‏أسمك يالبى اسمك و يالباك انتي ‏ألف و ميم /و ألف /و نون /و ياء  ‏حبيبتي و رفيقتي ومثل بنتي

بعض العرب ماتعرف الا الرديه خبيث و منافق مغير يتطفّل و اليا بغيته بالعلوم القويه يصمّت الجوال و لا يقفّل و مايذكر الا بشرْ ولا أذيه و اليا انذكر طاريه أمضمض و أتفّل

وجدي   على   اللي   كوع   يمناه   مركاه اللي   عن   حقوقه   ترده   سلومه ووجدي   على   اللي   كل   مانام   صحاه حزنه   وضيق   النفس   و   العن   همومه ولاواهني   من   كان   نومه   بمخباه كل   مازهم   للنوم   يغشاه   نومه و   النوم   للأنسان   ملجاه   ودواه و   من   زان   نومه   ياعرب   زان   يومه ويابعد   نومي   لو   انادي   مناداه بعده   مثل   بعد   الحفر   عن   تنومه والنوم   يحسبني   مصنف   من   اعداه كني   و   بين   النوم   حقد   وخصومه لكن   بكافح   عنه   وبرادة   الله   اني   بكافح   لين   ابرد   عزومه   ويالنوم   ياويلك   من   الله   ويلاه واجب   لجاء   المحتاج   تقضي   لزومه ...

‏ خافت   الناس   حتى   ما   ترد   السلام   ‏ بعد   حل   الوباء   في   دارنا   يا   شجاع ‏ ودي   ازوركم   واسمع   جزيل   الكلام ‏ مار   سلطان   يلبس   دون   ضيفه   قناع سيف   الشلوي مرحبا   بالمسيّر   لو   علينا   ملام الحكومة   شديدة   و   الأوامر   تُطاع مير   سلطان   أعرفه   ملتزم   بالنظام عقب   حب   السلام   أصبح   يحبّ   الوداع شجاع   العنزي

حلف   يغيب   ومايجيني   وجاني   يشتاق   لي   دايم   وانا   اشتاق   دايم وحلفت   مايجيب   ذكره   لساني وليّه   ثلاث   أيام   للحين   صايم

اللي   يحبك   ترى   مايعيش   من   دونك   مايقدر   يعيش   دونك   و   انتي   عيونه انا   ترى   احيان   احب   ازعّل   عيونك عينيك   وقت   الزعل   حلوه   و   مزيونه ازعلك   وارضيك   واهمسلك   مع   اذونك ياعين   شجوعك   و   ياقلبه   وكونه تبيني   اتركك   ؟   كيف   الحال   وشلونك ياقلبي   القلب   مااحدن   عايشن   دونه خليت   عقلي   عشان   اصير   مجنونك   وتبيني   اتركك   لا   والله   يامجنونه