شجاع بن سويلم

قصيدة مهداه الى ابو سليمان عبدالله المضياني العنزي يشبك براسي كل ماشفتك فيوز ذي عادتي لاشفت لي شخص أعزّه ياراكب اللي كن في خشمه رموز موتر جديد و كل من جاء يخزّه أبيض ملون لك و من وارد الروز يمشي بتروّي مايجي فيه هزّه يلفي لأبو سليمان غالي و معزوز الوايلي نسل الوفاء و المعزّه أسمك يأبو سليمان للطيب محجوز ياحزامي المليان في كل حزّه طيبك ياعبدالله مثبّت و مركوز و فعلك يرزّك من قبل لا ترزّه ماأنته من اللي يرفع الخشم و البوز متواضع و مطنوخ و فعلك منزّه الجعفري يمدح ولا عايزه عوز و من يستحق المدح لازم نرزّه و حنا ثلاث عنوز و مطنّخ عنوز واللي حسدنا مع عيونه نغزّه #شجاع_العنزي

يا راكب اللي يوم يمشي مع القار  موتر جديد موضحن له مساره أكسنت هاونداي لا قلت مشوار ردّت انا لك تحت رمز الاشاره وسواقها كابتن و قايد و طيار   والخط ماينعاف لاصرت طاره شملي على يمناه و الفيضة يسار و موجّهن يمّ الجواء و القواره من شان عين اللي ليا هالزمن جار أقبل عليّ و ضمّني في حراره لا من طلب ترخص على شانه أعمار و مهما نسوّي معه ما هي خساره  و بعد القصيد و بعد تنظيم الاشعار  و نظم القصيد بفن و القاف اره  صلاة ربي عدّ من للحرم زار  و لقبلة الأسلام راحوا زيارة 

أُماهُ شعري يقصدك من الصميم ويقولك شطر القصيدة أَقبِلي  إني أُحِبُكِ يالحبيب المستديم و آتي لِحُبكِ مُسرِعاً و مهروي والله أحبك يابعد كل الحريم والله أحبك ايه يا كلّ أهلي اللي يحبك مايجي له أي ضيم  اللي يحبك كل همّه ينجلي يقولها شاعر و في شعره فهيم  ذيبٍ على روس الذيابه معتلي و قد قالها شاعر من العصر القديم " ماالحُبُ إلا للحبيب الأولي "

مترامي الأطراف و مافكّر بشي أحسّني ضايع ولاأدري أنا وين أحسني ميت رغم أنني حي وأحسني واحد مكوّن بشخصين شخصين موجودين في داخلي بي واحد يقول يسار والثاني يمين يمكن أنا تعبان وأحتاج للكي ويمكن حسد من ناس جداً ملاعين محتاج لي حاجة ماني عارف شهي محتاجها هالحين هالحين هالحين

يافرحتي هاليوم في شهر شعبان  في مثل هذا اليوم جتني أماني أنشهد أنك فرحة لكل الأزمان  أنحمد الله يوم ربي عطاني ياأغلى بشر بالكون ياكل الأوطان أي والله أنك بالبشر شي ثاني أنا معك أعيش في أمن و أمان كريم في حبّك و لغيرك أناني  ياأحلى أسم موجود ينطق به لسان  و أحلى أسم قلته و قاله لساني أنتي بشر ؟ معقول ! ماأظنك أنسان أنتي قمر عمري و أماني كياني  يارب طوّل عمرها لي على شان أعيش باقي العمر في قرب أماني

ماأحب المفارق ولا أطيق الوداع أحساس سيئ حيل لاوالله مخيف أنا شجاع و خابرن كلي شجاع  لكنّ قلبي وقت الموادع .. ضعيف ياليت قو القلب القاه .. و يباع  و أشريه اذا حصلت مستعمل نظيف

الشعر ماهو بوزن وقافيه الشعر معنى بأقوال وفعل كانت افكار راسي طافيه  و اليوم لا بالله راسي مشتعل اباتفنن بالبيوت الصافيه  و اباتسلق واتحدر للوحل  حاولت اخفيها ولاهي خافيه  لكن امنّي النفس ياليت ولعل باقول لاصحاب الرجول حافيه تركض تدور لرجليها نعل بيت واحد مدح ناسٍ وافيه خير من الف بيتن للجعل يمدحه لاجته مدّه كافيه  ويرجع يسبه ليا منّه زعل نسأل الله العفو و العافيه و قدّر الله و ماشاء فعل

يا أول الأحباب بالعام الجديد يا سعد عيني فيك يا كل سندي يالشهم يالخالد و يالنوع الفريد  نادر وجودك يالشجاع الأجودي سلطان وقتك صاحب الرأي السديد رايد زمانك يابعد منهو ردي أنور وجودك بي ياأجمل وليد مسلم مسلّٓم سالم سويلم ندي  يا ياسر الأبيات ياأحلى قصيد  يا فارس الأبطال ياقوة يدي ياحظنا بك من قريب و من بعيد  يا عمر عمري ياحبيبي ياولدي ١٤٣٧/٤/٩

قصيدة لي قبل أكثر من سبع سنوات (ثاني ثانوي) تقريباً  اترك لكم قراءتها حبيبتي بغيبتك ضايق بدونك ماقدر أذاكر دام وصلك قطعتيه كل مافتحت كتاب جتني عيونك واسج عن درسي و أطالع و أخليه وأسرح وأفكر فيك وأذكر عيونك وأسال أنا نفسي أشتقت أللياليه؟ وأجاوب بسرعه جعل يفتدونك مشتاق أنا أيه أيه أيه أيه أيه أيه مشتاق أنا لشكلك وطعمك ولونك ومشتاق أنا لشوقن بصدرك كتمتيه وأشتقت لمصخم وكلمة عنونك ومشتاق أنا لأسمي أليا نطقيه أحسه أحلى شي بكوني وكونك وأحلى أسم بالكون لأنك نطقتيه وأشتقت لمعاندك وحتى جنونك ومشتاق أنا لكل شي أنتي حكيتيه ويالله عسى الغالين مايفقدونك وعسى الحزن والهم لاماتشوفيه وتكفين ياحبي ع هونك ع هونك تنتبهي لنفسك وجسمك تدفيه وحتى البرد وده يلامس جفونك ولن كل مايلمسك وربي تحليه مأنتي بشر مأنتي بشر وش يسمونك قمر ...ملاك ...يووووه مافيه حتى الحلا لنذاق يتذكرونك ومافيه أسم بالزين إلا حملتيه وقلبي وعيني وكل كلي يبونك وترى العقل بيطير لأنك تركتيه تدرين ليش كل البشر يحسدونك يدرون أنك قلبي وحدك ملكت...

الغلا بالقلب ماهو بالمواصل ❤️ كم حقيرٍ ناصله ماندانيه الغوالي وصلهم ماهو بحاصل  و الحقير بكل شارع تلاقيه