سواق الأكسنت
يا راكب اللي يوم يمشي مع القار
موتر جديد موضحن له مساره
أكسنت هاونداي لا قلت مشوار
ردّت انا لك تحت رمز الاشاره
وسواقها كابتن و قايد و طيار
والخط ماينعاف لاصرت طاره
شملي على يمناه و الفيضة يسار
و موجّهن يمّ الجواء و القواره
من شان عين اللي ليا هالزمن جار
أقبل عليّ و ضمّني في حراره
لا من طلب ترخص على شانه أعمار
و مهما نسوّي معه ما هي خساره
و بعد القصيد و بعد تنظيم الاشعار
و نظم القصيد بفن و القاف اره
صلاة ربي عدّ من للحرم زار
و لقبلة الأسلام راحوا زيارة
تعليقات
إرسال تعليق