قصيدة الجيب مهداه لوالدي سويلم بن مريبد الجعفري العنزي
في يوم الآول من شوّال ١-١٠-١٤٣٧ تشرّفت انا و آخوتي بآهداء هديه متواضعه لوالدي سويلم بن مريبد الجعفري العنزي و هي عبارة عن جيب لاندكروزر ٢٠١٦
و وهبوني آخوتي الشرف بآلقاء قصيدة امام والدي آطال الله بعمره
وآحمد الله على انه وفّقني وآعانني بآلقاء القصيدة ، ثم آشكر آخوتي على ثقتهم بي لآلقاء القصيدة:
كل عام و انت بخير من قبل الآشعار
ومن قبل لاآصف المعاني و لاآبيات
دايم ابي اكتب قصيدة ومحتار
آبدا قصيدي و انتهي بالبدايات
واليوم ياشعري انا مآقبل آعذار
خصن ليامن صار باابوي بالذات
هذا الشجيع القرم من نسل الآحرار
هذا كلام الصدق ماهو بآشاعات
انت الكريم ابن الكريم ابن الآخيار
وعندي على قولي براهين و آثبات
تكرّم الضيفان و تكرّم الجار
وتذبح لهم قعدان و تذبح لهم شات
طيبك معرّف في محطات الآخبار
اي والله انه منتشر بالآذاعات
وحنا صقورك يايبه وانت صقّار
صقورك اللي تحت يدّك مربات
حنا ننفذ و انت تامر و تختار
تامر يابوي و كل مطالبك جات
و نسير مع مسراك و الشعر لك سار
وسيرن معا مسراك مابه خسارات
و اسمح لي ابسرق من افكارك افكار
بيتين من شعرك جزالٍ قديمات
ياراكب اللي يوم يمشي مع القار
ماتسمع الا بس جلد الكفارات
جيبٍ جديد و من تصاميم فكسار
فكسار وليّه ورّدوه الخواجات
تبي عليه تروح للصاحب البار
الصاحب اللي ينّصي كل الاوقات
ابشر يبه جبناه رغم انف الاخطار
جيبك وصلّك من بعيد المسافات
من وارد الفطيم في دولة الجار
جالك هنا مخصوص من الامارات
عداده مصفّر و طبلونه غبار
والجيب فل الفل تشغيل بصمات
آبيض بجنبه خط و هو اخر اصدار
يازين زوله لاوقف بالمنصّات
شعاره بخشمه ماهو بآية شعار
متميزٍ من بين كل الشعارات
لاآقبل تقول انه شجيعٍ و مغوار
و لاآقفى ياذكر الله بديع السماوات
وليا ركبته ناوين درب الآسفار
وموجّهن يم الديار البعيدات
ماتدري انت توادع اهلك من الدار
ولاّ تحمد الله على السلامات
ولامن تنصّى له نفودٍ و ثم غار
يغير ومايحسب حساب الغرازات
يغير مع سبق الترصّد و الآصرار
ويرقى الجبال الشامخات الطويلات
وفوق الطعوس يهز كنّه به الزّار
لاتشيل هم الطعس لارحت مكشات
بين البواجي و البساتم تقل ثار
لاآعطى شرارة ذاك رد الشرارات
عنده مناعه عن محلات الآغيار
يعطيك مايطلب ولايقولّك هات
مايركبه منهو يفكّر بالاسعار
ومنهو رصيده بالبطاقه هلالات
ياكم تمنّوا يركبونه لو آيجار
لكن ياغلوه في محلّ الايجارات
تستاهله يابوي يالوالد البار
يفداك مانملك ولابه كلافات
ولو نقدر نقسّم من اعمارانا اعمار
ونزيد في عمرك سنينٍ كثيرات
ونعطيك صحّتنا و ماتطلبه صار
والله فلا نقدر نردّ الجميلات
مع تحيات آبناء / سويلم بن مريبد الجعفري العنزي
ولا انسى ان آشكر آخي سلطان على دعمه المعنوي لي في هذه القصيدة وشكراً
تعليقات
إرسال تعليق