ياطايره طيري على متن السحاب

وتوكلي بالله رب العالمين

عسى الولي يحفظك رزّاق الدواب

من يوم مارحتي الى ماترجعين

وابسألك حاجه وابي منك جواب

فضلاً ولاهنتي ابيك تجاوبين

هو ليه اشوفه مثل مااشوف السراب؟

واشوف وجهه بين كل الراحلين؟

انا تعبت من الحكي و من العتاب

ومن كثر مااعاتب انا جداً حزين

كنت الشجيع اللي ولايمكن يهاب

كنت الفرح صرت التعب صرت الأنين

اخاف المفارق واحسّب له حساب

والحين انا وقلبي ترانا خايفين

واصبحت كنّي بين ضرس وبين ناب

أحب واعاتب وللقى معاتبين

مثل الأسد لاماأقارن بالذياب

انا أسد ياللأسف ماله عرين

#شجاع_العنزي

شجاع بن سويلم