شجاع بن سويلم

بين القمر و انتي علاقة تشابه ماهي قويه بس مابينكم فرق انتي بالأرض و هوّ فوق السحابه و تحته يصير البرق يامبسم البرق في مبسمك لذّه و حسن و ذرابه ياماخذن تاج الحسن طيبن و طرق و لو القمر شافك بيرسل جوابه يقول ابنزل وانت على السماء أرق لا ياعذاب المنفتن ياعذابه ياسارقن قلبن تولّع بكم سرق و يامالكن قلبي و مفتاح بابه  و ياحارقن جمر الغضاء بالحشاء حرق لو كان ليّه دعوتن مستجابه اللي غرق بالحب نجّه من الغرق و لو مالصلاة مبيّنه في كتابه الظاهر أن حسنك يصلّي بنا شرق  شجاع بن سويلم 

ماني على خبري اثرني تغيرت كنت احسب اني ثابت وماتغيّر من تجربة دنياي شكلي تأثرت لاني مررت بوقت ملعون خيّر الملم شتاتي ليامن تكسرت وهمي ليا روقت جاني مسيّر رغم المشاكل واجده ماتطيرت لأن وضعي مؤمن وماتطيّر ومؤمن بأني لو وصلت او تأخرت ابوصل ابوصل لأني مسيّر وعلى كثر صبري ماعمري تكبّرت واللي يصغّرني اشوفه صغيّر شجاع بن سويلم

ترى الصدف أحلى من ألفين ميعاد صدفه تشافي قلب مليان علّه و وضعي ترى مزري ولا زال يزداد  مليت من وضع الحياة المملّه حاولت أدور للصدف درب مافاد  درب الصدف يالربع من هو يدلّه؟ شجاع بن سويلم

اللي معه عشنا تغيّر علينا كذا بلا أسباب صد و جفاني نمسك يديه و هو يترك يدينا فوق الجفى و الصد صاير أناني ياما معه حنا عليهم رمينا ويومن حيله شد قام و رماني لايحسبن بالكون مافيه ميناء غيره ترى كثير غيره مواني على العموم اوكيه ولا علينا شكله يبينا نجيب له شخص ثاني شجاع بن سويلم

ياكم بعيدٍ حاسبينه مثل اخ و ياكم قريبٍ ليتنا ماحسبناه من قربهم ذقنا الأمرين و الأخ بعض البشر ياليتنا ماعرفناه

من زاد عن حدّه مابه فايد و فود يشربه مع مويا بعد مايبلّه حتى التواضع له مقاسات وحدود لو التواضع زاد يصبح مذلّه شجاع بن سويلم

قصيدة مهداه إلى خالي حماد بن عقلاء بمناسبة شفائه أببتدي بسم الولي ذو الجلالي الواحد المعبود جلّ جلاله غني و مغني قادرٍ و متعالي وهّاب معطي من صفاته عداله و من بعدها باآقول مما بدالي   و ابي عربنا تقول شجاع   قاله و ينقال طيب من عمام و خوالي و عمه و خاله محزمه راس ماله و آباتحمد بالسلامه لخالي الحمدلله و الشكر والثناء له حماد ابن عقلاء خوي الجزالي معروف فيه المرجله و الجزاله يوم فحصوا قلبه لقوا طيب عالي و قالوا له لازم ناخذك في عجاله الطيب في دمّك وصل للمعالي و من عيّنة دمك بناخذ جماله بالطيب متحزّم من اول وتالي و المجد و النوماس والفخر ناله و الليل هذا غير عن الليالي حتى القصيد اليوم منساح باله دام انت خالي ايه ياطيب فالي ومن كنت خاله انت ياطيب فاله خالي يفك معقدات الحبالي و الصعب ابو بندر على المتن شاله بين الآوايل مافهق للتوالي فيه البطوله و السطر و البساله يقول لصعاب...

ياصباح الخير يالوجه الجميل ياصباحات الأماني والأمان وجهك اللي كنّه النجم السهيل ممتلي لطف و تعابير وحنان وجهك يصحصح مثل قهوة و هيل مشتهي قهوة تراني من زمان ياخي وجهك والله انه مستحيل العجايب صارت بوجهك ثمان مدري وجهك دائري او مستطيل   الوكاد انه من السحر البيان شجاع بن سويلم

مجنون فيك و كن مافيني عقل وكأن عقلي ياحبيبي بايعه عند غيرك عايشن دور الثقل وعندك انتي كل اموري ضايعه   # ﮼شجاع

لا إله إلا الله العدل الكمال الله الله مسلم موحدٍ له له الولاء و الحال و الدهر لو مال آراه و لا ما آراه و أدلّه مسلم مسلّم له على كل الأحوال مسلّم مسلّم له الأمر كلّه سالم صدر و الحال عالٍ على عال ما دام راسك مال و مطئطئٍ لّه و ما دام عمر آدم محدد ولو طال صل لإلهك و آدع و الدّمع هلّه و صلى الله وسلم على محمد و آل محمد سلامٍ واصله لِ محلّه   شجاع بن سويلم

مالت عليك غصون و ازهار و اوراق تمايلت لأنك من الجاذبيه و مالت عليك قلوب و عيون و اعنآق وصرتي علينا المجرمة و الضحيه الشمس و انتي دايم بوقت الإشراق وضوء القمر و انتي بوقت العشيه الكون انتي و الفضاء انتي آفآق انتي الحروف اللي من الآبجديه فيك الجمال اليوسفي وفيك الآخلاق يالله حيّه صدق يالله حيّه فيك المطاق و فيك مالاهو مطاق وحسنك فلا ظنيت موجود زيه صافي ولون الجلد أبيض و برّاق كنّي اشوف العرق بالمقطعيه لابد نعمل صلح و نحط ميثاق بوفي معك و ابغاك مثلي و فيه آبي اشوفك كل ماخاطري ضاق   و ابي يدينك ماتفارق يديه و ابي اشوفك كل ماخاطري راق لأني اشوفك جنتي الدنيويه لايق عليك الحب و الحب بك لاق و لايق على قلبي ولايق عليّه سبحانه المعطي عطاني من ارزاق   الله عطاني و انتي اجمل عطيه شجاع بن سويلم