بين القمر و انتي علاقة تشابه

بين القمر و انتي علاقة تشابه
ماهي قويه بس مابينكم فرق

انتي بالأرض و هوّ فوق السحابه
و تحته يصير البرق يامبسم البرق

في مبسمك لذّه و حسن و ذرابه
ياماخذن تاج الحسن طيبن و طرق

و لو القمر شافك بيرسل جوابه
يقول ابنزل وانت على السماء أرق

لا ياعذاب المنفتن ياعذابه
ياسارقن قلبن تولّع بكم سرق

و يامالكن قلبي و مفتاح بابه
 و ياحارقن جمر الغضاء بالحشاء حرق

لو كان ليّه دعوتن مستجابه
اللي غرق بالحب نجّه من الغرق

و لو مالصلاة مبيّنه في كتابه
الظاهر أن حسنك يصلّي بنا شرق 

شجاع بن سويلم 

تعليقات

إرسال تعليق

المشاركات الشائعة من هذه المدونة

ياراكب اللي كن الذيب يعدي #قصيدة اللكزس

بسم الولي المعبود شعري ببتدي الواحد اللي كل مسلم يعبده قريحتي فاضت وجتني تفتدي والشعر لامن حل ماأقدر آبعده شعري على كيفي ويُكتب من يدي وشعري ليا من زل آنا بقطع يده وياراكب اللي كنه الذيب يعدي خلف الغزال اللي يبيه ويطرده جيب البريمي لكزس وشد بلدي و كأنّ بيبانه مرايا مجمده و إذا مسك درب السفر متمردي من سرعته آمن الطرق مايرصده وبين الدروب الجامحه فلا يغدي هو كل مايدخل بلد صار بلده وكنه يقول آبشر و حاضر سيدي إذا دبل بنصه طناخه و جلده و يادق إشاره يالمواتر اركدي تركّد الخصم العنيد تركّده وبالآستماره كاتب الجيب ولدي هو ولدي و انا تراني والده أقولها وهو مناي ومقصدي بس الحظوظ اللي معي متردده ترى الحظوظ الطيبه للسرمدي كأن حظه ياعرب متجوده ودي ماأحد يبيع له كانه ردي لازم قبل تعطيه عنّه تنشده هل هو كفو او هو عفن او آجودي ولا من آصحاب الفلل والآرصده ماودي انه يركبه غير الندي اللي يدينه للعطاء متعوده اللي مثل عوايده عوايدي واللي حظوظه بالزمن متشدده ويالله ترزقني بهديك وآهتدي وقانع لو طبوع الطمع متمرده شجاع-بن-سويلم
قراءة المزيد

ياطايره طيري على متن السحاب

ياطايره طيري على متن السحاب وتوكلي بالله رب العالمين عسى الولي يحفظك رزّاق الدواب من يوم مارحتي الى ماترجعين وابسألك حاجه وابي منك جواب فضلاً ولاهنتي ابيك تجاوبين هو ليه اشوفه مثل مااشوف السراب؟ واشوف وجهه بين كل الراحلين؟ انا تعبت من الحكي و من العتاب ومن كثر مااعاتب انا جداً حزين كنت الشجيع اللي ولايمكن يهاب كنت الفرح  صرت التعب صرت الأنين اخاف المفارق واحسّب له حساب والحين انا وقلبي ترانا خايفين واصبحت كنّي بين ضرس وبين ناب أحب واعاتب وللقى معاتبين مثل الأسد لاماأقارن بالذياب انا أسد ياللأسف ماله عرين #شجاع_العنزي
قراءة المزيد

يالله يالمعبود ياخالق الناس * يالرازق المعطي و يالنافع الضار

يالله يالمعبود ياخالق الناس يالرازق المعطي و يالنافع الضار   ياربنا ياخالقن كل الأجناس و ياخالق الجنة و ياخالق النار تغزيني همومي على كل هوجاس و مامن خبر ياتي اشوفه خبر سار يوسوس اللي عادته بس وسواس اعوذ بك منّه و من شر الأشرار أعوذ بك يارب من شر خنّاس يرسم لي الشوكه بساتين و أزهار و حسسني إني واصل لحد الإفلاس مفلس صبر مفلس فرح مفلس أعذار مثل ماتثر بالخشب ضربة الفاس شف الوساوس ضربها تقل منشار لكن اسلي النفس بأصبر ولا بآس قدامك الجنة بساتين و انهار وماتشتهي نفسك من حلي و آلماس و العمر ثابت مايطولن الأعمار يالله عبدك جاك يسري به الياس امطر على صدره من آفضالك أمطار شجاع بن سويلم
قراءة المزيد