حان القصيد و حان وقتي بالأبداع
حان القصيد و حان وقتي بالأبداع
تجهزوا ياعاشقين القصايد
تجهزوا وأدنوا عليّه بالأسماع
واستمتعوا تراي ماني بعايد
انا هنا أكتب لتحسين الأوضاع
انا من اللي يقنصون الشرايد
اكتب لجل ذاتي ولاني بطمّاع
ولاأشري قصيدي في حراج المزايد
اليا كتبت اكتب بفكري ولاأنصاع
وماأكتب لجل شهرة صور بالجرايد
انا أتجنب شر شعري ليا جاع
لأنه بغرز القاف عنده عوايد
و انا الشجاع اللي على اسمه شجاع
اهوى الصعاب ومهتوي كل كايد
و ماخاوي اللي بالردى قطّع ارباع
و ان مانقص قدره فلا هو بزايد
ومااخاوي اللي بالخيانه له اطباع
اخاوي اللي شهم كفو و سنايد
و انا مع اهل الحق واقف وفزّاع
اقف مع اهل الحق ماني محايد
ماأنصاع خلف الناس ولاني بتبّاع
ماأتبع سوى ربي جزيل المدايد
سبحانه المعبود معطي و منّاع
وتسهل عليه اللي علينا شدايد
يارافعن لنا السماء و باسط القاع
طالبك جنّبني طريق المكايد
#شجاع_العنزي
تعليقات
إرسال تعليق