#فضفضه يابو سعد سلام من قلب وأعماق
يابو سعد سلام من قلب وأعماق
وان كان ماكفّى سلامي ازيده
سلام يمشي لجل عينك وينساق
من الشمال اليا سراة العبيده
يابو سعد جيتك وانا قافل اخلاق
ملّيت ياأصوات الرجال العديده
أنت تخبرني ماأستمع كل الأذواق
ما أستمع الا مواهب فريده
مثل سعد صوته شجيٍ وعملاق
ماهو بسيط وكل صوتٍ يجيده
قل لسعد صوته دواء كل من ضاق
ودواء للي نفسه تضيق ووحيده
وصوته يذكّر كل عاشق ومشتاق
ويذكر مواعيد الغرام السعيده
الله يزيده فن ويرقى بالأفاق
ويجعل سنينه مبطيات ومديده
وان ماسمع تراي فعّلت هشتاق
#سعد_بيطربنا_بشيله_جديده
وتقبلوا منّي تحيات وأشواق
لعيونكم انتم كتبت القصيده
#شجاع_العنزي
تعليقات
إرسال تعليق