الحب مثل الحرب يبغى رجاجيل
الحب مثل الحرب يبغى رجاجيل
تصبر على مرّ الأمور الصعيبه
ولاتقترب للحب كانك بلا حيل
الحب يبغى له عقولٍ لبيبه
وكانك ملكت الحب دربك تساهيل
ماأجمل من أن تكون حبّك خطيبه
وبعد الزواج أحجز على شرم و النيل
أو أبتعد عن كل دوله عريبه
و ترى الزواج يمرّ به زعله و ميل
و تمر به حاجات جداً عجيبه
وترى الزعل وارد بكل التفاصيل
و ترى الزعل احيان حاجه نجيبه
وكان زعلت منك ياويل ويلك الويل
نيرانها بتصبح عليكم لهيبه
و خذ أحتياطك لأحتمى القال و القيل
أرها تبي تقلب من أنثى لذيبه
و ترميك بالكذبات مثل الأبابيل
و جميع ما بطبلونها لك تجيبه
و أن كان زادت هيل او نقّصت هيل
ترى الخطاء وارد ولاهي غريبه
أدمح خطاها و بالزعل خلك بخيل
أبخل زعل و أكرم سعادة و طيبه
ووقت الزعل لابدّ ماتِنقص الكيل
و تراك لا سامحت تزداد هيبه
وأكيد بالدنيا تبي تحط و تشيل
الين ماتثبّت هدفك و تصيبه
وأعرف لو ان دنياك زادت غرابيل
بس زوجتك بتشاركك بالمصيبه
وختامها أدعيك يارب جبريل
أنك تزوّج كل واحد حبيبه
#شجاع
تعليقات
إرسال تعليق