اخاف من نفسي تبيح السريره
اخاف من نفسي تبيح السريره
ولأحد درى غيري عن أغلب سواياي
لو أغلب أسراري هوان و صغيره
بس الحذر واجب لو أن من اخوياي
بعض الرفاقة لو تطوّل قصيره
و سرّك يبي يفضح لو أن أختلف راي
منور بعد سرّك بيقلب منيره
ويوزّع أسرارك مع الرايح الجاي
و سرّك تبي تبثّه قناة الجزيرة
و يصير سرّك بين بايع و شرّاي
سرّك ببيرك لا تحطه ببيره
البير جالس به منافق و وشّاي
واللي يبيح السر ترى مصيره
يونّ ونّة من يغنّي على الناي
تعليقات
إرسال تعليق