شجاع بن سويلم

قاموا يحسدوني على خوّة الطيب طيّب و أخاوي كل من كان طيّب خوّة نقى ماهيب خوّة عذاريب ولاهي بخوّة من يبور ويخيّب خوينا مافيه شكٍ ولاريب اللي بصيته نفتخر ونتطيّب اللي على الشدات حاضر ولا يغيب ماهو مثل غيره يكون متغيّب من كنز طيبه ياخذ الطيب ويجيب ويهمل بطيبه همل همّال صيّب مسيرته بالطيب تملى المكاتيب يومن غيره سيرته في كتيّب نخاوي كرام اللحى و الآشانيب اللي فعايلهم تبين و تهيّب مثل فعايل سالم الزير وكليب في وقت فايتنا ولاهو قريّب وياما كشفنا من يقول الآكاذيب وجهه حبيّب بس ماهو حبيّب وياللي تعيب الناس فعلك ترى عيب ركّز بفعلك تكشف انه معيّب وياكثر ماعشت بحياتي تجاريب لو أن شعر الراس مابعد شيّب #شجاع بن سويلم

سلطان يآخي قل لنا ويش سوّيت سجّلت بالساحه دخول آنتحاري رقّيتنا فوق السحاب وتعليت ومنافسينك يهبطون آضطراري غيرك معك كنّه ينافس على ونيت ؤانته معا غيرك كأنك فيراري

طيّب و سمح آخلاق هادي و ليّن و آحب كل الزين شكلاً وصوتا وقت العقل دايم أصلي و ديّن و وقت الهبل دايم آشغّل تكوتا

أنتي وفيتي وكثّر الله خيرك أنتي وفيتي بالمحبّه وصنتي و آنا ترى حبّيت ثنتين غيرك أحب آماني و أم خالد و أنتي

يالله ياللي من ترجّاك ماخاب آغفر ذنوب اللي ذنوبه كثيره عبدك ضعيف و دوم يذنب ولو تاب يرجوك عفوك لو ذنوبه غفيره مرات يستغفر و مرات يغتاب ومرات يفعل كل خيرٍ لغيره يارب ياخالق و زارق وتواب آغفر ذنوبي معلنه او سريره

البعد والفرقى وطول المسافه آتّعب الرجال لاصار مشتاق و الشح و الشرهه و كثر الحسافه يِجبَر بها أصبع و يِكسَر بها ساق

بسم الولي المعبود شعري ببتدي الواحد اللي كل مسلم يعبده قريحتي فاضت وجتني تفتدي والشعر لامن حل ماأقدر آبعده شعري على كيفي ويُكتب من يدي وشعري ليا من زل آنا بقطع يده وياراكب اللي كنه الذيب يعدي خلف الغزال اللي يبيه ويطرده جيب البريمي لكزس وشد بلدي و كأنّ بيبانه مرايا مجمده و إذا مسك درب السفر متمردي من سرعته آمن الطرق مايرصده وبين الدروب الجامحه فلا يغدي هو كل مايدخل بلد صار بلده وكنه يقول آبشر و حاضر سيدي إذا دبل بنصه طناخه و جلده و يادق إشاره يالمواتر اركدي تركّد الخصم العنيد تركّده وبالآستماره كاتب الجيب ولدي هو ولدي و انا تراني والده أقولها وهو مناي ومقصدي بس الحظوظ اللي معي متردده ترى الحظوظ الطيبه للسرمدي كأن حظه ياعرب متجوده ودي ماأحد يبيع له كانه ردي لازم قبل تعطيه عنّه تنشده هل هو كفو او هو عفن او آجودي ولا من آصحاب الفلل والآرصده ماودي انه يركبه غير الندي اللي يدينه للعطاء متعوده اللي مثل عوايده عوايدي واللي حظوظه بالزمن متشدده ويالله ترزقني بهديك وآهتدي وقانع لو طبوع الطمع متمرده شجاع-بن-سويلم

إليكِ حٌبّي أستفيضٌ مشاعري تخرٌج لكِ من قلبٌ أنتي بِداخله يا فرحتي يا ضحكتي يا ناظري إئتي إليَّ بِخدُّكِ لِأُقبّلُه في وُجنتيكِ الوردُ مِنُّكِ يُزهِري و رِمشُ عينٌكِ كالغطاءُ يُظلِّلُه وشعرُكِ عن جِسمكِ مُتأخري ويشُدّني فوق السوادِ تمايُله آنت الهلالُ بوجهِكِ يتنكَّري سُبحان من سوّا الجمال وكمّله أنتِ السماءُ بِشمسِها والقمري إن السماء بِمثلُكِ ما أجملُه فتدللّي وتدلّعي وتغندري آنتي الفؤادُ ، فُؤادُنا سندللّه سأبيعُ كُلّ الخلقِ ، وحدُكِ أشتري ومن يقف مابيننا سأقتُله قولي لهُم ياخلقُ هذا شاعري وعن جميعُ الخلقِ إنّي أُفضّلُه #شجاع-بن-سويلم

يوم الخميس الليل انا جالس و كول متربعن عند الاهل داخل البيت ثم دق جوالي ورديت ويقول الو معك مشفى الحرس صاحب الصيت تعال حالاً للعياده على طول ياخي دقيقه اصبروا ماتعشيت لاحول ياحظي اي والله لاحول تعبت انا من قول ياليت ياليت مقرود خلقه كيف لاجاني اون كول أصبحت كني ميت وانا ماني ميت راسي مصدع مايفكه بنادول كن الصداع مثبت الراس تثبيت مشغول طول اليوم ولازلت مشغول مشغول لامن رحت ومشغول لاجيت ولاجيت انا ارقد جتني رساله تقول فور يور اكشن ياولد وين الآبديت for your action kindly send an update

قصيده مهداه الى آخي عادل محمد الجعفري العنزي بمناسبه تمايم ابنه محمد : أهلاً هلا يامرحبا ألف و ألفين و عداد ماهلّت علينا السحابه يامرحبا أهلين والفين سهلين باللي حضر يامرحبا في جنابه يامرحبا مليون ولّا ملايين للي حضر في حفلنا ياهلا به   لنا الشرف بحضور ناسٍ عزيزين من أصدقاء، من ربع، ولّا قرابه مكانكم والله في داخل العين ياعزوتي لا كشّر الوقت نابه جانا محمد بعد ماطوّل سنين والحمدلله والشكر يوم جابه محمد ولد عادل حفيد السلاطين و أبوه عادل عز من ينتخى به   و جدّه سميِّه من رجالٍ كريمين راع الكرم، راع الفخر والمهابه و جدّه أبو حمدان طلق الحجاجين اللي بدرب الجود متعب ركابه جعافره وافين وافين وافين   و الجعفري معروف طبع الوفا به يكتب على درس المراجل عناوين   ويثبت على هقوات منهو هقى به وحنا ليا جينا تغيب الشياطين وحضورنا لا شك كلن درابه واللي يعادينا من أول وهالحين من غبنته يموت قبل...

اللي يشوف انه عن اطباعنا غير ويشوف نفسه وين وهو هلامه حنا ترى نشوفه مثل نافخ الكير لو غير بشكله و زين كلامه من مايقدرنا مايحتاج تقدير نسحب عليه الين يوم القيامه ولو بالسماء حامت علينا العصافير حنا نعرف الصقر ولا الحمامه الصقر من ريشه و جنحانه يطير و ريش النعامه مايفيد النعامه ترى المزور نعرف ان فيه تزوير و الشيء الآصلي دايمن به علامه و ان كان قابلته ماني عاكس السير بآواجهه واقول له بأبتسامه سلام كيف الحال وشلونك بخير؟ تامر علي بشي ؟ مع السلامه،،

تدري وش أفضل يوم كان بحياتي يوم الربوع بعام أثنين وثلاثين يومي معك وأنتي معي ومانحاتي وكان بشهر صفر وبواحد أثنين قلتي حبيبي أنا أحبك حياتي أحبك من سنين وسنين وسنين ورديت لك أنتي حياتي وذاتي والله لا يحرمني من حبك أمين

قالوا علامك غرق الدمع عينك ثم قلت ياعيني علامك تسيلين  قالوا تصبر قلت يابوي وينك  كيف اتصبر وانت غايب عن العين   وبغيبتك حنا ترى فاقدينك  من اكبر العيله الين الوراعين   ياسر وأنور فاقدين(ن) يدينك  لمسه من يدينك تكفيهم سنين   يابوي ماحنا ترى ناسيينك  يومين وربي كنها سنين ودنين   ويافاقدن غالي عسى الله يعينك  مثلي انا فقدت ناس(ن) عزيزين   مع تحيات / ابنائك

رايك ونحترمه على العين والراس وماهو بلازم شعرنا تنعجب به مايهمني انحب من كل هالناس   انا بعد ماكل واحد احبه انا لي احساسي وغيري له احساس الطيّب احبّه و غيره اكبّه بعض الزعل عند العرب نقص مقياس بالذات لامن صار من دون سبّه واحذر من الشاعر ليا صار حسّاس عنده على بعض السوالف منبّه واللي يقدّرنا على الراس ينباس واللي يحارشنا ترانا نسبّه شاعر ويكتب كل شعره على ساس   ولا يتّجه مع كل هبّه و هبّه

يابو سعد سلام من قلب وأعماق وان كان ماكفّى سلامي ازيده سلام يمشي لجل عينك وينساق من الشمال اليا سراة العبيده يابو سعد جيتك وانا قافل اخلاق ملّيت ياأصوات الرجال العديده أنت تخبرني ماأستمع كل الأذواق ما أستمع الا مواهب فريده مثل سعد صوته شجيٍ وعملاق ماهو بسيط وكل صوتٍ يجيده قل لسعد صوته دواء كل من ضاق ودواء للي نفسه تضيق ووحيده وصوته يذكّر كل عاشق ومشتاق ويذكر مواعيد الغرام السعيده الله يزيده فن ويرقى بالأفاق ويجعل سنينه مبطيات ومديده وان ماسمع تراي فعّلت هشتاق # سعد _ بيطربنا _ بشيله _ جديده وتقبلوا منّي تحيات وأشواق لعيونكم انتم كتبت القصيده                                  #شجاع_العنزي

حان القصيد و حان وقتي بالأبداع تجهزوا ياعاشقين القصايد تجهزوا وأدنوا عليّه بالأسماع واستمتعوا تراي ماني بعايد انا هنا أكتب لتحسين الأوضاع انا من اللي يقنصون الشرايد اكتب لجل ذاتي ولاني بطمّاع ولاأشري قصيدي في حراج المزايد اليا كتبت اكتب بفكري ولاأنصاع وماأكتب لجل شهرة صور بالجرايد انا أتجنب شر شعري ليا جاع لأنه بغرز القاف عنده عوايد و انا الشجاع اللي على اسمه شجاع اهوى الصعاب ومهتوي كل كايد و ماخاوي اللي بالردى قطّع ارباع و ان مانقص قدره فلا هو بزايد ومااخاوي اللي بالخيانه له اطباع اخاوي اللي شهم كفو و سنايد و انا مع اهل الحق واقف وفزّاع اقف مع اهل الحق ماني محايد ماأنصاع خلف الناس ولاني بتبّاع ماأتبع سوى ربي جزيل المدايد سبحانه المعبود معطي و منّاع   وتسهل عليه اللي علينا شدايد يارافعن لنا السماء و باسط القاع طالبك جنّبني طريق المكايد #شجاع_العنزي

اللي احبه قلبه اطهر من الشاش ويحبني من قلب صادق ووافي حبه بقلبي حب صادق وجياش وحبي بقلبه حب طاهر وصافي من كثر ماهو في حشى خافقي عاش ودي ارهّم   له خفوقن اضافي يفدونه الرديان والعفن و اللاش   وماودي انه ينفدى بالسنافي

ياقاف وقّف و أسمع اللي بقوله بقول شعر بشخص ماهوب عادي أبمدح اللي وافياتن فعوله أحمد أبو أنور عريب الجدادي أبن عشوي لا قال شيّن يطوله بالذات بالصملات وطول الأيادي أبن الرجال أهل السطر والبطوله أبن الرجال أهل السيوف الحدادي جعافره رمز الفخر و الرجوله اللي على العدوان غلظ وشدادي من لابتن للحرب دقت طبوله تقود روس القوم ماهي تقادي اللابه اللي دولتن وسط دوله واللي يعاديها غشيمٍ و غادي ورفيقهم لامن شكى و افزعوا له عز الصديق و عمى عين المعادي وتاريخهم بالمجد ماأحد ينوله وبالمجد حاضرهم رقى بأزديادي والمجد صعب ولا يجي بالسهوله والمجد ياأبو أنور يجيك و ينادي وهذا الكلام اللي بقلبي بقوله وعذراً على التقصير رغم اقتصادي               أخوك/ شجاع بن سويلم الجعفري

ياطايره طيري على متن السحاب وتوكلي بالله رب العالمين عسى الولي يحفظك رزّاق الدواب من يوم مارحتي الى ماترجعين وابسألك حاجه وابي منك جواب فضلاً ولاهنتي ابيك تجاوبين هو ليه اشوفه مثل مااشوف السراب؟ واشوف وجهه بين كل الراحلين؟ انا تعبت من الحكي و من العتاب ومن كثر مااعاتب انا جداً حزين كنت الشجيع اللي ولايمكن يهاب كنت الفرح  صرت التعب صرت الأنين اخاف المفارق واحسّب له حساب والحين انا وقلبي ترانا خايفين واصبحت كنّي بين ضرس وبين ناب أحب واعاتب وللقى معاتبين مثل الأسد لاماأقارن بالذياب انا أسد ياللأسف ماله عرين #شجاع_العنزي

سلام يالغالي ويسعد مساكا مساء نقي صافي بلا ريب وشكوك  وبستسمحك يابوي يوم اتحاكا أبنك يبي يكتب على قافية اوك  قافي نظمته يوم شعري بغاكا يقول شعري مانقصد غير بابوك هذا سويلم بن مريبد اباكا له هيبةٍ كأنها هيبة ملوك كريم خلق وهم كريمه يداكا وتفرح ليامّن المسايير ضافوك تعطي ولا تحسب علينا عطاكا والطيب كنك تملكه داخل البوك  بالطيب متقدّم وغيرك وراكا بالمركز الأول مكانك ومبروك واللي يسوّي ماكأنه يراكا خليت وجهه من على القاع محكوك تاكل عدوّك مثل اكل الحكاكا وعدوّنا ماياكل الا من الشوك عدونا! بالله ماذا دهاكا ؟  مخطي ولاتفهم رديٍ وصعلوك جيناك حنا يومه الموت جاكا وناطى على صابرك والخشم مفروك نحرق ضميرك مثل حرق الجراكا ونلعن ابو جدّك وثم نلعن ابوك وربعك يبه دايم تعادي عداكا دايم معك ماأنته لحالك بمتروك من الرياض ومن نواحي سكاكا ومن القصيم ومن حايل وتَبوك و انا عصاك اللي ماهي بتعصاكا وأنا معك لو باقي الناس خلّوك  اطلب رضا ربي ثم اطلب رضاكا ياواحدٍ صقر البطولات سموّك