الرزق ماهو دايم اموال وفلوس
الرزق ماهو دايم اموال وفلوس
حنا نحسب الرزق محصور بالمال
يمكن يكون الرزق في عزة نفوس
ويمكن يكون الرزق في صفوة البال
ويمكن يكون الرزق كشخه و ملبوس
ويمكن يكون الرزق زوجة مع عيال
لاتخاف من وقتك ولا تعيش كابوس
وقتك يبي يمضي على كل الأحوال
أيامك أحيانا مثل حدّة الموس
فترة وبتعدي وتنسى وتنزال
وترى السهم لامن رجع من على القوس
بعده تجي فزّه وتحقيق الآمال
لا تحصرون الرزق في خرم دبوس
الرزق يأتي لك من انواع وأشكال
والرزق باقي لك مخزن ومدسوس
ربك يبي يعطي من الرزق همال
ويا رب ترزقنا بجنة وفردوس
وتظلنا في يوم مشمس بلا ظلال
تعليقات
إرسال تعليق