يامحمد جيت يمك مستشير
يا محمد جيت يمك مستشير
يا أبو مشعل خابرك ند الصعاب
بستشرك بامر و اظنه خطير
امر بعده حكم فكاك الرقاب
فيه غرون جاي يمي مثل طير
اقبل بنورة وسبب لي مصاب
رفرف الجنحان يمي مستجير
وقلبي لبا له وحيا و استجاب
اقبل وشكله من أحبابه فقير
يقلط بقلبي ويلقابه زهاب
ودي اضحك معه واستأنس وطير
وأخذه وياي بافاق السحاب
مير يمنعني عن الزلة عشير
حط بينه والخطا ساتر وحجاب
ما أبي اخيب ظنونه بي واصير
واحد ظن الحبايب فيه خاب
حافظ نفسي وأنا عمري صغير
ومابي اخطي يوم شعر الراس شاب
مابي اخطي و انحذف في زمهرير
واتعذب بالخطاء سوء العذاب
مدري جاني مقصده مقصود خير
او يكون انه نوى بيه خراب
وجيت يمك يا بو مشعل مستشير
عطني رأيك خابرني رأيك صواب
هل تشوف إني مع دروبه اسير؟
او تشوف افضل خيار الانسحاب ؟
تعليقات
إرسال تعليق