ياشيب عيني كل ماقلت اباتوب
يا شيب عيني كل ما قلت ابتوب
يمرني شيٍ كثيرة مزاياه
مرت ثلاثة شهور والقلب مسلوب
من سبّة اللي ما لقينا لها اشباه
لبيه ياوحده ما في وصفها عيوب
ولا وأهني من هو عرفها هنياه
من شافها يكسب حسنات وذنوب
يطوّل النظرات ويكبّر الله
يذبحك بعيونه ويذبح بالأسلوب
ويذبحني لا علّق على الخصر يمناه
ومن زين خصره بأول الخصر مكتوب
خطر خطر والله يحفظه ويرعاه
خصره ما ندري شلون يدخل به الثوب
ويا حظ ثوبٍ عن قسى البرد دفاه
وفنجال من حاول ينافسه مشروب
وفعلاً يحط اللي ينافس بمخباه
و استغفر الله دائم أحلف و اباتوب
وأحلف وأرجع مذنب استغفر الله
شجاع
تعليقات
إرسال تعليق